თებერვალი 2022 | გლობალურ ბაზარზე სურსათისა და საწვავის ფასების გაძვირება ინფლაციაზე მოქმედებს და საქართველოს ზრდის პროგნოზებსაც კარგს არაფერს უქადის

ინდექსები

მთავარი ინდექსები მშპ-ის პროგნოზი

14 თებერვალი 2022

ISET-ის კვლევითმა ინსტიტუტმა განაახლა რეალური მშპ-ის ზრდის პროგნოზი 2022 წლის პირველი და მეორე კვარტლებისთვის. ქვემოთ მოცემულია ამ თვის განახლების ძირითადი მიგნებები:

საქართველოს სტატისტიკის ეროვნულმა სამსახურმა (საქსტატი) 2021 წლის მეოთხე კვარტლის რეალური მშპ-ის ზრდის წინასწარი მონაცემი გამოაქვეყნა, რომლის მიხედვითაც, ზრდის საშუალო მაჩვენებელი 9.5%-ს შეადგენს, რაც 1.4 პროცენტული პუნქტით ჩამოუვარდება ISET-ის კვლევითი ინსტიტუტის უახლეს ანგარიშში მითითებულ პროგნოზს.

2021 წელს მშპ-ის რეალური ზრდის წლიური მაჩვენებელი 10.6%-ს გაუტოლდა, რაც ჩვენს უახლეს პროგნოზთან შედარებით 0.2 პროცენტული პუნქტით დაბალია.

უკანასკნელი განახლების შედეგად, 2022 წლის პირველი კვარტლისთვის მშპ-ის ზრდის პროგნოზმა იანვრის თვის ანგარიშში მითითებული 7.4%-დან 5.9%-მდე დაიწია. ISET-ის კვლევითი ინსტიტუტის პირველადი პროგნოზით, 2022 წლის მეორე კვარტლის მშპ-ის ზრდის მაჩვენებელი უარყოფით 3.9%-ს გაუტოლდება (უარყოფითი შედეგი, როგორც ქვემოთ არის ახსნილი, ნაწილობრივ, 2021 წლის მეორე კვარტლის მაღალი საბაზო ეფექტითაა განპირობებული, როდესაც ზრდის მაჩვენებელმა 28.9%-ს მიაღწია).

თეგები: #ინდექსი, #მშპ-ის პროგნოზი, #ეკონომიკური ზრდა, #ინფლაცია, #სურსათი, #საწვავი, #ფასები, #მშპ,

ინდექსები

მიმაგრებული ფაილი

მსგავსი ინდექსები