სექტემბერი 2023 | გაცვლითი კურსისა და ფულადი გზავნილების რაოდენობის გათვალისწინებით, მშპ-ის მნიშვნელოვანი ზრდაა მოსალოდნელი

ინდექსები

მთავარი ინდექსები მშპ-ის პროგნოზი

25 სექტემბერი 2023

ISET-ის კვლევითმა ინსტიტუტმა 2023 წლის მესამე და მეოთხე კვარტლების მთლიანი შიდა პროდუქტის (მშპ) რეალური ზრდის პროგნოზი განაახლა. ქვემოთ მოცემულია ამ თვის განახლების ძირითადი მიგნებები:

საქართველოს სტატისტიკის ეროვნულმა სამსახურმა (საქსტატი) 2023 წლის ივლისის მშპ-ის რეალური ზრდის წინასწარი შეფასება გამოაქვეყნა. მოსალოდნელია მშპ-ის 5,5%-ით ზრდა, მშპ-ის ზრდის საშუალო მაჩვენებელმა 2023 წლის იანვარ-ივლისის პერიოდში კი 7,2 %-ს მიაღწია.

ISET-ის კვლევითი ინსტიტუტის შეფასების თანახმად, 2023 წლის მესამე და მეოთხე კვარტლების განმავლობაში მშპ-ის რეალური ზრდის წლიურმა მაჩვენებლებმა 9.6% და 9.2% შეადგინა.

ივლისის მონაცემებზე დაყრდნობით, 2023 წელს წლიური ზრდის პროგნოზი 8.5%-ს შეადგენს. აღნიშნული მაჩვენებელი, დიდი ალბათობით, გადაჭარბებულადაა შეფასებული. ეს იმ ფაქტით არის განპირობებული, რომ რუსეთის ომს უკრაინაში, სანქციებსა და ფართომასშტაბიან მიგრაციას ქართულ მონაცემთა წყაროებში შესაბამისი ანალოგი არ ჰქონია.

გარდა ამისა, საქართველოს ეროვნულმა ბანკმა 2023 წლის მშპ-ის რეალური ზრდის პროგნოზი მანამდე არსებული 5%-იდან, 6%-მდე დააკორექტირა. მონეტარული პოლიტიკის ანგარიშის თანახმად, პროგნოზის დაკორექტირების მიზეზებია პროდუქტიულობის ფაქტორების და განხორციელებული ინვესტიციების ზრდა, აგრეთვე უცხოური ფულადი ნაკადის გაზრდილი შემოდინება, რაც დაკავშირებულია ქვეყნის შიდა ხარჯვის სტიმულირებისკენ მიმართულ მიმდინარე გეოპოლიტიკურ მდგომარეობასთან.

თეგები: #ინდექსი, #მშპ-ის პროგნოზი, #მშპ-ის ზრდა, #ეკონომიკური ზრდა, #ფულადი გზავილები, #ინფლაცია, #გაცვლითი კურსი,

ინდექსები

იხილეთ პუბლიკაცია

მსგავსი ინდექსები