სალომე ISET-ის გუნდს 2021 წლის ივლისში დაუბრუნდა ფინანსური დეპარტამენტის ხელმძღვანელის პოზიციაზე. მანამდე 4 წლის განმავლობაში იგი თიბისი ბანკში გადასახადებისა და IFRS მენეჯერის პოზიციაზე მუშაობდა. სალომე პირველად ISET-ში 2013 წელს მოვიდა ფინანსური თანაშემწის პოზიციაზე, საიდანაც იგი ლატვიაში წავიდა ბიზნესის ფინანსური მართვის სამაგისტრო პროგრამაზე სასწავლებლად, შემდეგ კი დიდ ბრიტანეთში ისწავლა ფინანსებისა და ინვესტიციების სამაგისტრო პროგრამაზე. სალომე თბილისის სახელმწიფო უნივერსიტეტის ეკონომიკის ბაკალავრიც არის. ამ ყველაფერთან ერთად, მას გავლილი აქვს სერტიფიცირებულ და კორპორატიულ ბუღალტერთა ასოციაციის (ACCA) ფინანსებისა და ბუღალტერიის 8 კურსი.

სალომე უკვე 4 წელია ილიას სახელმწიფო უნივერსიტეტში ფინანსური ანგარიშგების კურსს ასწავლის.