6 ივლისს, ISET-ის კვლევითმა ინსტიტუტმა, PMC კვლევით ცენტრთან თანამშრომლობით და USAID-ის ეკონომიკური უსაფრთხოების პროგრამის მხარდაჭერით, პროექტის "სექტორებისა და ღირებულებათა ჯაჭვების ანალიტიკის" ფარგლებში, 2022 წლის ანალიტიკური ანგარიში წარუდგინა შესაბამის დაინტერესებულ მხარეებს, სექტორული ასოციაციაციებისა და დონორი ორგანიზაციების წარმომადგენლებს.

სურსათის დანაკარგებისა და ნარჩენების შემცირების მართვა და ადმინისტრირება არის საკმაოდ კომპლექსური კონცეფცია, რომელიც მოიცავს ნარჩენების მართვას და ნარჩენების დაგროვების პრევენციას სურსათის წარმოების, მოსავლის შემდგომი დაბინავების პროცესში, ასევე სურსათის უვნებლობასა და ჰიგიენას, ეტიკეტირებას და თარიღის მითითებას, ოფიციალურ კონტროლსა და დაბეგვრას (დღგ, საშემოსავლო გადასახადი, მოგების გადასახადი).

ცირკულარული ეკონომიკა, ნარჩენების ინტეგრირებული მართვა – ეს ის ცნებებია, რომლებიც ბოლო დროს ეკოლოგიური კეთილდღეობისა თუ კლიმატის ცვლილებებთან გამკლავებასთან დაკავშირებული საკითხების განხილვისას ხშირად გვესმის.

წინამდებარე ანგარიში მოიცავს ეკონომიკური ტენდენციების ანალიზსა და არსებული გამოწვევებისა და შესაძლებლობების მიმოხილვას (ადგილობრივ, რეგიონულ და გლობალურ კონტექსტში) ექვსი სექტორის წინასწარ შერჩეულ ღირებულებათა ჯაჭვებში. ანგარიშის მიზანია, გააუმჯობესოს მონაცემთა ანალიზსა და მტკიცებულებაზე დაფუძნებული გადაწყვეტილების მიღების პროცესი. ანგარიშში გაანალიზებულია შემდეგი სექტორები: ტურიზმი, შემოქმედებითი ინდუსტრიები, მსუბუქი მრეწველობა, გაზიარებული ინტელექტუალური სერვისები, ნარჩენების მართვა და გადამუშავება და გამჭოლი (cross-cutting) სექტორები.